خلاصة زرار الاوفر درايف و يكون القراءة بتركيز
هنتفق الاول ان العربية الطبيعي بتاعها انها تمشي و الاوفر درايف شغال يعني بتنقل طبيعي من الاول للثاني للثالث للرابع
طيب لو لمبة الاوفر درايف مطفية :: يعني كده الاوفر درايف شغال و العربية بتنقل طبيعي جدا جدا
لو لمبة الاوفر درايف منورة :: يعني كده الاوفر درايف مش شغال و بالتالي العربية هتنقل نقلتها و تقف عند النقلة الثالثة و مش هتنقل للنقلة الرابعة
طيب ايه اهمية غلق الاوفر درايف او بمعني اصح ان لمبة الاوفر درايف تكون منورة ؟؟
بنستخدم اوبشن غلق الاوفر درايف علي السرعات العالية و اللي بتبتدي من 80 كيلو/الساعة و ده مثلا لما تبقي علي الطريق السريع و عايز تعدي بسرعة من اي شيئ يعوق حركتك تقوم ضاغط علي زرار الاوفر درايف فتنور اللمبة و بالتالي العربية هتنزل للنقلة الثالثة فتزيد عدد لفات الموتور و بالتالي العربية تديك استجابة اسرع في زيادة الحركة عشان تعدي بيها الموقف اللي قدامك
هي ديه طريقة عمل الاوفر درايف