Rear Strut Bar And Rear Lower Bar

الـــRear Strut Bar و الـــ Rear Lower Bar

اضغط هنا لمشاهدة الصورة بالحجم الطبيعي.

اضغط هنا لمشاهدة الصورة بالحجم الطبيعي.

نفس الوظيفة اللي قدام لكن ورا بتمسك الجزء الخلفي للعربية في الدورنات و المناورات و تخيل مناورة مع ارض مش مظبوطة هتساعد


و اخيرا و ليس اخرا فيه قطع تانية بتتركب زي ع التانك لكن انا شايف من وجهة نظري انها للحماية اكتر بس قد يكون لها مهمة تانية معرفهاش
انهاردة انا هتكلم عن حاجة معرفش حد اتكلم عنها بشكل مفصل و عن طريقة عمل القطع ديه قبل كده هنا ولا لأ
و هي
(البارات او الشدادات او التقويات و الدعامات)
في ناس كتيير تسمعها و متعرفش ايه هي اساسا
و طبعا في ناس عارفينها
الأول لازم نعرف ايه هي الـــ ( (تعالوا نعرف ايه هي (البارات او الشدادات او التقويات و الدعامات) وكيفية عملها)البارات او الشدادات او التقويات أو الدعامات)
بداية العربية فيها 4 عجلات و 4 ممتص للصدمات (المساعدين )
لما العربية تمشي ع طريق واعر (مكسر و مليان مطبات و حفر و الحاجات الحلوة اللي متعودين عليها)
فمهمة ممتص الصدمات (المساعدين) انها تمتص الصدمة ديه
و هيكل العربية مش بيبقي قوي لدرجة انه يساعد ممتص الصدمات ع امتصاص الصدمة بشكل كامل
فلما تحصل الصدمة بيتم امتصاصها عن طريق الهيكل
طبعا اللي بيؤدي ان الهيكل بيثني و مع مرور الوقت الهيكل بيتبهدل
و الحل للموضوع ده الـــ( (تعالوا نعرف ايه هي (البارات او الشدادات او التقويات و الدعامات) وكيفية عملها)البارات او الشدادات او التقويات أو الدعامات)
و هي عبارة عن اجزء بتتركب علي بعض الاجزاء في العربية
( زي ع الشاسيه - - جوانب العربية - الشنطة ...الخ ..الخ )
بحيث انه بيخلي ممتص الصدمات (المساعدين ) يؤدي مهمته بشكل ممتاز و في نفس الوقت بدون التأثير ع هيكل العربية و بيقويه
فبيحافظ ع الشاسيه
بالاضافة لأنه بيزود ثبات العربية في المنحنيات و الغرز
نبتدي الشرح لبعض القطع ديه بالصور
اولا : الـــFront Strut Bar و الـــ FrontLower Arm Bar
أ- بالنسبة للصدمات
قبل تركيب الــ Strut Bar و الـــ Lower Arm Bar


واخدين بالكم لما تحصل الصدمة ايه اللي بيحصل ازاي ان الهيكل بيستقبل الصدمة.

بعد تركيب الــ Strut Bar و الـــ Lower Arm Bar

بعد تركيب القطعتين دول ملاحظين لما بتحصل الصدمة ايه اللي بيحصل

ممتص الصدمات (ذ )

بيؤدي مهمته بشكل صحيح

بدون ما يأثر ع الشاسيه و هيكل العربية.

ب-بالنسبة للدوران يمين او شمال

قبل تركيب الــ Strut Bar و الـــ Lower Arm Bar

لاحظوا لما نيجي نلف يمين مثلا ايه اللي بيحصل للجزء الشمال القوة و الوزن كله بتتركز فيه و بيؤدي ان اللفة تكون يمين اكتر من الازم فبيأثر ع التوازن و الثبات.

بعد تركيب الــ Strut Bar و الـــ Lower Arm Bar

بعد التركيب هنلاحظ ان

القوة و الوزن بيتوزع و اللي بيؤدي لزيادة الثبات و التوازن.

-------------------------------------------

ثانيا : الــ Fender Bar

قبل تركيب الــ Fender Bar

هنلاحظ انه قبل التركيب ان الصدمة اللي هيستقبلها الهيكل الامامي هتكون مؤثرة

و اللي بعد كده هيؤدي لضرر الهيكل الامامي.

بعد تركيب الــ Fender Bar

بعد تركيب القطعة هنلاحظ ان الصدمة هيمتصها ممتص الصدمات (المساعد ) بدون ما يأثر ع الهيكل الامامي .

-------------------------------------------

ثالثا : Side Lower Bar

قبل تركيب الــ Side Lower Bar

هنلاحظ اننا لما العربية بتمشي ع طريق غير مستوي بالشكل ده

بيحصل نقل وزن بين مقدمة و مؤخرة العربية

و بالتالي هيتأثر الجزء اللي في الوسط.

بعد تركيب الــ Side Lower Bar

بعد التركيب هنلاحظ ان القطعة ديه بتعمل توازن و ثبات في نقل الوزن بين مقدمة العربية و المؤخرة

و بالتالي هيقلل الصدمة للجزء اللي في الوسط و يحافظ عليه.

-------------------------------------------

رابعا:Sway Bar Anti-Roll Bar

قبل تركيب الــSway Bar \ Anti-Roll Bar

هنلاحظ قبل تركيب القطعة (تعالوا نعرف ايه هي (البارات او الشدادات او التقويات و الدعامات) وكيفية عملها) ان لما نيجي مثلا نلف يمين العربية كل وزنها هيتركز للشمال و بالتالي لما نيجي نعيد مستوي العربية تاني هيبقي الي حدا ما صعب و اللي في بعض الاوقات بيؤدي لا قدر الله لانقلاب العربية.

بعد تركيب الـــ Sway Bar \ Anti-Roll Bar

بعد تركيب (تعالوا نعرف ايه هي (البارات او الشدادات او التقويات و الدعامات) وكيفية عملها) القطعة هنلاحظ ان حصل توازن

لأنها بتمنع العربية من الانقلاب ع جنبها

و بيقلل الدوران مع زيادة الثبات.

بس كده يا شباب هي ديه الــ ( (تعالوا نعرف ايه هي (البارات او الشدادات او التقويات و الدعامات) وكيفية عملها)البارات او الشدادات او التقويات و الدعامات)

انا شرحت ع اد ما قدرت

يا رب يكون واضح

الموضوع منقول من العضو المحترم عمرو اللي دايما عنده الجديد

Read More

اعادة برمجة ريموت نيسان صني الشكل القديم N16 (أ/عمرو منير)

  
تقرير يقدمه: أ/عمرو منير

احب ان انقل تجربتى البسيطه لاعضاء الجروب كنوع من المشاركه

انا معيا صنى الشكل القديم و بصراحه ولله الحمد مشفتش منها اى مشكله تضايق حتى لما كانت تظهر مشكله كنت اصبر لحد لما اروح التوكيل ومن ضمن المشكلات الى قبلتنى كانت ضعف الاشاره اوتعليق ريموت السنتر لوك . روحت التوكيل ( السبع) و حل المشكله ديه باعاده البرمجه. وبصراحه المهندس كان محترم جدا و علمنى ازاى اعيد برمجه الريموت . المهم فجأه لقيت الريموت مش شغال خالص!!!! , افتكر الاول ان البطاريه عايزه تتغير , روحت جايب الكتالوج و شوفت طريقه تغير البطاريه وطلعت البطاريه و قمت بقياسها للتاكد من ضعفها لقيتها مازالت قويه 3 فولت , هنا جه فى بالى وافتكرت الموضوع بتاع اعاده البرمجه بس الحكايه ديى مر عليها اكتر من سنه وانا عمرى ممديت ايدى فى كبوت العربيه من ساعه شرائها وكنت خايف امد ادى وابرمج الريموت . المهم قولت لنفسى جمد قلبك ورحت فاتح الكبوت؟؟؟؟؟؟؟؟؟؟؟!!!!!!!!!!!!!


واول مشوفت علبه الفيوزات افتكرت العمليه وهى كتالى:

1- انك تجيب المشبك بتاع الفيوزات الى هتشيل بى الفيوز بتاع الريموت وهو موجود تحت العلبه الى بتتفتح ناحيه اليسار من السائق ( الى بحطو فيها السجاير او العمله) هتشد العلبه لتحت براحه وده بعد ماتفتحها طبعا ,حتلقيها طلعت فى اديك ,هتلاقى صف فيوزات وفى منتصف هذا الصف هتلاقى المشبك .
2- بعد ما تفتح الكبوت هتلاقى على يمينك( يسار البطاريه ) علبه فيوزات ومرسوم عليا وصف الفيوزات حسب ترتيبها واسم الفيوز المسؤول عن الريموت (انتى ثيفت) وهو الثانى من اليمين فى الصف الاسفل والاخير. 
3- افتح علبه الفيوزات بالكلبسات الى فى الجنب هتلاقى الفيوزات,ثم بالمشبك امسك به الفيوز الثانى زى مقولت وشده .
4- شييك عليه بنظر شوفه محروق ولا لاء بنظر الى الجزء الملتوى داخل البلاستيك للفيوز لو لقيته محروق غيره مع مرعات الامبير اما اذا لقيته سليم صنفر اطرافه صنفر خفيفه.
5- قبل ما تركب الفيوز افتح كونتاكت العربيه من غير ما دور لمده نص دقيقه وبعدين اقفل الكونتكت.
6- ركب الفيوز وجرب الريموت هتلقى ان شاء الله اشتغل وكمان حساسيته بقت احسن من الاول.

7- رجع المشبك والعلبه وقفل كل الى فات .

هى دى( اعاده برمجه الريموت) ده لو حسيت بضعفه او انقطاعه لا قدر الله

لكم جزيل الشكر واسف على الاطاله

Read More

الاحتياطات الواجب اتخاذها قبل و اثناء السفر (نقلا عن تقرير كتبه الاستاذ حمدي داوود)

نقلا عن تقرير كتبه الاستاذ حمدي داوود 

:: مايجب فعله اثناء السفر ::

اولا : مايخص الشخص نفسه

قبل البدء في الرحلة

* الحصول على قسط كافى من النوم قبل القيام بأى رحله.

* غلق الشقه جيداً وتنبيه احد الجيران المقربين بعدم الوجود داخل الشقه لفتره

* تناول شيئاً من الطعام قبيل السفر

*المشروبات التي تحتوي على الكافيين العالية ليست بالضرورة أفضل وسيلة للبقاء مستيقظا أثناء القيادة

* حمل مايلزم من النقود لزوم الرحله او الاحتفاظ بفيزا كارد لمثل هذه المواقف

* حمل مايلزم من الامتعه المهمه والضروريه فقط

* حمل بعض الادويه مثل المضادات الحيويه وادويه الحساسيه والسعال والخل والليمون والمراهم( مرطبات للجلد)

* زجاجه من المياه والعصائر بالسياره لزوم الاستخدام اثناء السفر

* التأكد من حمل الشواحن الكهربائيه الخاصه بالتليفونات وان يكون معك أحتياطيا كروت شحن لكافه التليفونات الموجوده مع حضراتكم

* معرفه ارقام الاستغاثه للشرطه على الطرق السريعه

* لبس نظاره شمسيه لحمايه العين من اشعه الشمس اذا لزم الامر واذا كانت نظاره طبيه فتكون مقاومه لاشعه الشمس

:: ثانيا ما يخص السياره ::

*مراجعه كافه السوائل فى السياره

* التأكد من صلاحيه ( دوره التبريد / التكييف / دوره الزيت)

* التأكد من تربيط عفشه السياره

*التأكد من ضبط هواء الاطارات والإطار الاحتياطى

* التأكد من وجود جركل للمياه احتياطى بالسياره

* التأكد من ملئ قربه المساحات بالمياه وان المسحات تعمل بحاله جيده

* التأكد من صلاحيه انوار السياره وان الاضاءه الخلفيه تعمل بحاله جيده مع الفرامل

* التأكد من صلاحيه فرامل السياره واستعدادها لمواجهه المواقف الطارئه

:: ثالثا : مايجب فعله قبل واثناء السفر ::

* ملئ خزان الوقود بالكامل ( ويفضل ملؤه ليلاً او قبل التحرك مباشره ) على اساس ان التحرك سيتم مع تباشير الصباح

*التحرك نهاراً ( بدرى ) ويفضل بعد الفجر بساعه او ساعتين فى الذهاب والعوده بإذن الله تعالى

*السير بسرعه مناسبه على الطريق 90 كم او 100كم مع عدم الغرور بان الطريق فاضى فاجرى براحتى مفش مشكله ( دا اكبر غلط ممكن الانسان يرتكبه فى حق نفسه )

لان الطريق له مفاجئات

حفظنا الله تعالى واياكم منها

* تجنب السير وراء او خلف او بجانب سيارات النقل والبعد عن السيارت المحمله بالطوب او الزلط

*الابتعاد قدر الامكان عن سيارات الميكروباص والاتوبيسات الكبيره

* عدم السير شمال الطريق تجنباً لهواه السباق على الطرق والسير فى وسطه ان امكن

* استخدام اشارات التخطى بعنايه

* مراقبه مرايات الجنب ومرايه الصالون دائما ( لان السواقه على الطرق فى السفر تختلف كثيرا عن السواقه فى البلد او الزحمه )

* استخدام اشارت الانتظار حال الركن على احد جانبى الطريق ويتم الركن فى مكان أمن

* عند الاحاس بالارهاق او التعب يفضل ركن

السياره والنزول منها قليلاً ويكون فى مكان آمن

* عدم الالتفات لما يحدث فى الطريق من الاشخاص هواه المشاكل( كأن احدهم يزعق ان حضرتك حدفت عليه مثلاُ ـ وعدم الوقوف له مهما كانت الاسباب)

* اغلاق ابواب السياره جيداً وعدم السماح للاطفال بالعبث فى الابواب او الشبابيك الا من خلال احد الوالدين

هذا مااقوم بإتباعه دائماً حال السفر حيث انى من محبى السفر كثيراً وحاولت ان اكتبه لحضراتكم بطريقه مفصله لأحبابى هنا لاسرتى نيسان

واسف جداً جداً على الاطــالـــــــه حفظكم الله تعالى من كل مكروه

Read More

شرح لشروط وواجبات الضمان لسيارات نيسان (منقول)

منقول من موقع السبع اوتو سيرفس للافادة

ماذا يشمل الضمان

ان شركة نيسان تضمن السيارات الجديدة 36 شهر او100.000كم ايهما اسبق ، حيث يقوم وكيل نيسان المرخص بتصليح او استبدال اية قطعة غيار على السيارة التى ثبتت عدم صلاحيتها مجانا ، علما بأن فترة الضمان على قطع الغيار الممنوحه للقطع المباعة والمركبة بواسطة احد مراكز خدمتنا المعتمده هى 3 أشهر او 5.000كم ايهما اسبق .

غير مشمول بالضمان

1- الاطارات مشموله بضمان مستقل

• 2- تركيب قطع غيار او اكسسوارات غير اصليه خارج اعمال نيسان
• 3- اى قطع او مصاريف عماليه تتصل مع المطلوب او خدمات الصيانه الموصى بها
• 4- العطل والفشل الناتج عن:
  • *سوء الاستعمال ، الحوادث ، السرقه او الحريق
  • *الاستعمال الخاطئ او الوقود الوسخ اوالسوائل او الشحوم الرديئه
  • *نقص الاداء فى خدمات الصيانه الصحيحه
  • *استعمال قطع نيسان غير اصليه
  • *شظايا الاحجار ، التساقط الكيماوى ، عصارة الاشجار ، الاملاح، البرد او الظروف البيئيه الاخرى
  • *الاصلاحات التى لم يتم انجازها بواسطة وكيل نيسان المرخص
• 5- التلف العادى للتنسيق او الطلاء او مواد المظهر الخارجى الاخرى
• 6- اية سياره تتغير فيها قراءة الاودوميتر الى درجة يصعب بها تحديد الكيلومترات
• 7- التلف الطارئ او العرضى مثل الزجاج
• 8- حالة فقدان استعمال السياره ، او تصبح غير ملائمه او فقدان قيمتها التجاريه
• 9- التعويض عن: (نقل السياره الى مركز الصيانة المعتمد للاصلاح ، تكلفة ايجار سيارة العميل ، تكلفة السفر ، المكالمات التليفونيه ، الوقت ، تعطيل المعاملات التجارية ، تكلفة سياره بديلة ، الاضرار النفسية وتكلفة الفرص البديلة)

ماهو دور الوكيل المعتمد

• 1- تتم تصليحات الضمان مجانا ( باستثناء البطاريات، يجب عليك دفع قيمه معينه )
• 2- خدمة الفحص المجانى عند بلوغ 1000كم، باستثناء السوائل اوالزيوت او مصاريف استبدال مرشح الزيت

معلومات حول الاطار

تكون الاطارات المركبه اصلا فى سيارة نيسان الجديده مضمونه بواسطة مصنع الاطار، لغرض الحصول على خدمة ضمان الاطار يجب عليك احضار الاطار الى وكيل الاطارات المحلى

أشياء يجب عليك معرفتها عن ضمان سيارة نيسان الجديدة

*غاز التبريد لمكيف الهواء :

اعادة شحن غاز التبريد والذى يكون غير مرتبط بالاصلاح يكون مغطى فقط اثناء 12 شهرا الاولى

*البطارية الاصليه للسياره:

تكلفة قطع الغيار:

البطاريه الاصلية والتى تكون غير صالحه للعمل خلال12 شهرا الاولى سيتم استبدالها بدون اى تكلفه ، بعد 12 شهر ولكن ضمن 24 شهر سوف تدفع نيسان 50% من قيمة البطارية ، بعد 24 شهر ولكن ضمن 36 شهر سوف تدفع نيسان 25% من قيمة البطارية

أجرة العامل:

جميع العمال المطلوبين لاختيار وتبديل البطاريه التالفة ضمن 36 شهر تكون مشمولة بالضمان .

Read More

مواصفات زيوت و سوائل نيسان تيدا الشكل القديم الموصى بها من المصنع للموتور HR16DE

يقدمه لكم (أحمد ابراهيم)

دي نسب و كميات الزيوت و السوائل و مواصفاتها للنيسان تيدا

و احنا طبعا موتور التيدا اللي هنا HR16DE

و الوثيقة السابقة بتوضح ان :-

- سعة تانك الوقود 50 لتر.

- بتاخد زيت موتور 3.0 لتر بالفلتر و 2.8 من غير فلتر.

- سائل تبريد (ميه خضرا) 6.3 لتر بنسب خلط 30% مادة و 70% ماء مقطر.

- ناقل الحركة (الفتيس) اليدوي بياخد مواصفة زيت GL-4 بلزوجة 75-85 W.

- ناقل الحركة الوتوماتيك بياخد زيت ATF Nissan Matic D.

- زيت الفرامل DOT 3.

دي بتشرح درجة لزوجة الزيت طبقا لدرجة حرارة الجو و عندنا هنا افضل حاجه ليها 10-40 و لو طبعا 5-40 هيبقى ينفع في الصيف و الشتاء القارص كمان

Read More

تقييم قياده النيسان سنترا 2015 --- بسام محمد حافظ

بسم الله الرحمن الرحيم

مقدمه لكم : بسام محمد حافظ 

السلام عليكم ورحمه الله وبركاته اعضاء جروب نيسان تيم ايجيبت الكرام 

اولا ادعو الله ان يوفقني في تقييم السياره نيسان سنترا بشكل محايد دون التحيز او اتذمر الى او من اي تفصيله في السياره 

ثانيا خبرة التقييم الحمد لله وفقني الله لاقتناء نيسان تيدا 2010 اوتوماتيك  لمده سنتين ونيسان جوك اوتوماتيك  2012 لمده سنه ونص

ثالثا نبدا التقييم وانا مش ها استعمل صور لانها كلها موجوده على الجروب وها اكتفي بسرد التقييم اجمالا وتفصيلا:

1- تفصيلا:

- شكل السياره من الخارج:

 العربيه بشكل عام شكلها حلو ومقبول وخطوطه متناسقه مع بعض سواء من الامام اوالخلف او الجانب ولكن لو بصينا على تفاصيل العربيه ها نلاقي ان التصميم مش جديد وممكن كمان يكون في تشابه في بعض تفاصيل التصميم مع بعض العربيات الاخري زي الكورولا الشكل اللي قبل الاخير في الفوانيس الخلفيه والالنترا في المرايات الجانبيه والصني  الفيس ليفت من الامام وده مش بيعيب العربيه وزي ما قولنا العربيه في المجمل متناسقه وحلوه وحجمها من بره كويس

- المساحه الداخليه :

 العربيه مساحتها الداخليه متناسقه تماما مع شكلها الخارجي يعني لما تشوفها من بره بتبقى متوقع مساحه الصالون من جوه زي ما بتشوفه فعليا على عكس التيدا زمان كنت تشوفها تفتكرها صغيره ومساحتها من جوه بتفاجاك اما في السنترا حجمها من جوة زي بره المساحه الاماميه ممتازه ومن الخلف مساحه الارجل ممتازه ولكن في العرض تاخد اتنين باي حجم مرتاحين جدا وممكن تاخد واحد تالت كماله عدد بس مش ها يكون مرتاح قوي عشان ارتفاع الكنبه نسبيا من النص وكمان عشان فتحه التكييف الخلفي ها تضايق اللي قاعد في النص نسبيا في المجمل العربيه ممتازه ومريحه جدا لاربع اشخاص اتنين في الامام واتنين في الخلف وشنطه العربيه مساحتها كويسه جدا

- خامات السياره :

 خامات العربيه ليست بالممتازه ولكنها جيده جدا جدا جدا والتقفيل جيد جدا

- كماليات السياره :

 العربيه مش خارقه في الكماليات ولكن نقدر نقول ان اللي موجود يحسسك نسبيا بالرضا يعني في عربيات بيبقى فيها كماليات ممكن ما تستخدمش لحد ما تبيع العربيه ولكن على الرغم من قله كماليات السنترا الا انها من اهم واحسن الكماليات الضروريه في العربيه زي الاستارت انجين والكي لس انتري وزي المالتي فانكشن بس كان يبقص العربيه دي التكييف التاتش يعني وجود التكييف المانيوال جنب الاستارت انجين تخليك تحس ان في حاجه غلط بس في المجمل الكماليات مقبوله

- قياده العربيه وعزلها والعفشه:

 قياده العربيه مريحه جدا مع الباور الكهربا وصغر حجم الدريكسيون يحسسك انك سايق عربيه اصغر من حجمها الطبيعي مش عارف دي ميزه ولاعيب بس فعلا اول ما جلست على كرسي السائق ومسكت الدريكسيون حسيت ان اني سايق عربيه اصغر حجما - المرايات الجانبيه ليست سيئه ولكنها نسبيا صغيره على حجم العربيه من وجه نظري ليس من حيث التصميم ولكن من حيث الرؤيه - عزل العربيه ممتاز انت ماشي مش حاسس بدوشه الطريق خالص -  عفشه العربيه مش ناعمه ومش ناشفه بس هى ناشفه حاجه بسيطه قوي عشان تساعد على ثبات العربيه في ظل ارتفاعها عن الارض

- اداء السياره على الطريق:

 العربيه في القياده الهاديه ممتعه جدا لاقصى درجه من حيث النعومه وهدوء الموتور والفتيس الس في تي اللي مخليك حاسس انك حاطط العربيه على النورمال وسايبها تنزل منزل خفيف لوحدها فعلا احساس ممتاز ولكن في عز الجو الرومانسي الهادي ده والروقان ده لو حسيت انك عايز تاخد غرزه فجائيه او تشد شدايه كده مع واحد مش عارف قيمه عربيتك وعايز تعرفه مقامه ها تحس انك زي ماتكون دخلت على مراتك المطبخ وهي مش واخده بالها ورحت خاضضها عشان تهرج معاها اخص عليك يا محمد خضتني وبعد كل ده ها تجري العربيه شويه وممكن تحس شويه بالموتور اللي معاك طبعا انا مش بزم في العربيه بس لما انا اقرا ان الموتور ده 118 حصان وعزمه 156 نيوتن لازم يكون اداءه مختلف خالص عن الوضع الواقعي في العربيه دي والعيب هنا مش في الموتور للاسف المشكله ان الفتيس مهدر من قوة الموتور في الطلعه بالذات وخصوصا ان العربيه وزنها 1218 كيلو غير اللي راكب فيها - انا مش عايز حد يفهم اني بزم في العربيه بس الفكره ان الفتيس السي في تي ليه مزايا زي النعومه وتوفير البنزين بس قصاد ده خسر ميزه الحرق على النقله في الفتيس الاوتو العادي وعلى فكره العربيه دي ممكن تجيب لحد 180 بس مش وانت بتشد مع حد ولكن لازم العربيه تكون براحتها ومن وجهه نظري بما ان الفكر رايح للسي في تي فلازم يتم تطويره بشكل يعوض الحته بتاعه تهدير العزم بالذات من الصفر لان الفتيس ده بقى في عربيات كتير زي الرينو والتويوتا والسوبارو

2-التقييم المجمل للعربيه :

العربيه جميله جدا وتستاهل فلوسها الحاليه اللس هي 165 او 175 ولو زادت جنيه يبقى العربيه خسرت القيمه مقابل السعر وهي صفقه رابحه لمن يشتريها وتناسب فئه الاباء اكتر من الابناء او بمعني اصح هي فئه لا تناسب الشباب اكتر ما تناسب الفئه العمريه الاكبر

ارجو اني اكون قدمت حاجه تفيد ولا تضر وبشكل محايد  وفي النهايه ده تقييم شخصي من وجهه نظري الشخصيه لفتره تجربه للعربيه لا تتعدي ال 20 دقيقه

والى اللقاء في تيست اخر لسياره اخرى

Read More

تقرير مفصل عن نيسان سنترا 2015 --- أحمد ابراهيم

تقرير مفصل عن نيسان سنترا 2015

تقرير يقدمه  ( أحمد ابراهيم)

تعتبر السيارة نيسان سنترا من احد احدث سيارات شركة نيسان العريقة التي تقتحم بها الاسواق المصرية.

عندما ترى السيارة لأول وهلة يأسرك شكلها الخارجي الانسيابي والشبكة الامامية الكبيرة التي توحي بقوة المحرك خلفها وكذلك الخطوط الخارجية المرتفعة و حجم المصابيح الامامية الكبير الذي تتوج بانوار LED اسفلها ليعطيها ملامح رياضية بعض الشيء مع احتفاظها بطابعها العائلي.

السيارة متوفرة بفئتين الفئة العاديه بسعر 165 الف و الفئة الكاملة بسعر 175 الف جنيه بزيادة سبويلر و جنوط و زر بدء تشغيل Start Engine و حساسات اصطفاف خلفية Parking Sensor و كذلك مقود متعدد الوظائف -Multi Function و اضائة الشبورة واشارات بالمرايات .

و فيما يلي سنتناول تفاصيل السيارة

اولا : المساحة الداخلية و الرفاهيه

• من مميزات سنترا انها تتميز بمساحة داخليه كبيره حيث انها تتسع لاربعة اشخاص كبار الحجم او خمسة اشخاص متوسطي الحجم كما تلاحظ وجود مسافه كبيره بين الكرسي الامامي و الكنبه الخلفيه مما يعطي احساسا للركاب  بالراحة.
•  اول ما يلفت النظر بهذه السياره هو الفرش المخملي للكراسي و الابواب و مخادع اليد المبطنه و مسند لليد يتوسط الكنبه الخلفيه يحتوى على حامل اكواب وفتحة يمكن فتحها في حالة رغبة احد الركاب في ان يجلب غرضا من شنطة السيارة دون الحاجه لايقاف السيارة.
• تحتوي السياره ايضا على نظام اضائه داخلية للركاب الامايين به 2 لمبة قرائة للركاب الاماميين وللركاب الخلفيين لمبة صالون تتوسط سقف السيارة.
• تتميز ايضا بعزل داخلي جيد جدا يفصلك تماما عن العالم الخارجي و ضجيج الطريق. 
• مقابض الابواب من النيكل كروم و تحتوي على اماكن تخزينيه متعدده و كذلك جراب نظاره فوق المرايه الوسطى للسيارة
• لون فرش السيارة هو الرمادي الفاتح
• تلاحظ ان المقود و ناقل الحركه مغطيان بالجلد المتناسق مع لون فرش السياره

ثانيا : قوة المحرك

تتميز السيارة سنترا بمحرك HR16DE  يزأر بقوة 112 حصان على 4000 لفة بعزم 142 نيوتين متر كما يتيمز ايضا انه يتمتع بخاصيتين تعطيه سلاسة و قوة و سرعة رد فعل الا و هما انه Duel Port Injection و هي تقنية اعتمدتها نيسان في انه كل اسطوانة مركب عليها اثنين حاقن وقود و كذلك تقنية نيسان المميزه الجديد CVTC  الا وهي التغيير المستمر في توقيت الكامات طبقا لحالة المحرك و كذلك القوة و التسارع المطلوبين (Continuous Variable Valve Timing Control)

ثالثا : ناقل الحركة

تتوفر السيارة سنترا بناقل حركة اوتوماتيك من نوع Xtronic CVT الموجود حاليا بمعظم سيارات نيسان و لكن احسست عند قيادة السيارة ببطء نسبي في تسارع السيارة عند التحرك من الثبات 
كما متوفر به خاصية ال Sport Mode لمحبي القيادة السريعه

رابعا : وسائل الامان

تتميز بوسائل امان متعددة كعادة نيسان و هي عدد 2 ايرباج امامي و كذلك نظام الفرامل مزود بتكنولوجيا ABS الفرامل المضادة للانغلاق  و تكنولوجيا  EBD  و هي التوزيع الاليكتروني لقوة الفرامل على العجلات و كذلك تكنولوجيا BA  وهي مساعدة الفرامل الاليكترونية و التي تساعد في زيادة سرعة رد فعل الفرامل عند الطوارئ

كذلك  الكنبة الخلفية مزودة بعدد 3 حزام امام

خامسا : الثبات

الثبات من الفئة المتوسطه حيث ان السيارة مرتفعة عن الارض كما نلاحظ و لكنها جيدة جدا في المناورة و كما انها ايضا لا تحتوي على نظام الثبات الاليكتروني

و نحب ان نذكر ان نظام التعليق الامامي نظام Mc Pherson و الخلفي Torsion Beam دنجل متصل

سادسا : الكماليات

• التكييف يتم التحكم فيه يدويا و به 9 مخارج منهم مخرجين خلفيين للركاب الخلفيين يمكن التحكم من فتحه و غلقه
• السيارة تحتوي على 4 سماعات داخلية و كاسيت CD/Radio/MP3/WMA/USB و تتميز ايضا بنقاء شديد للصوت
• مقود السيارة به ازرار للتحكم بنظام الصوت Muti Function
• تحتوي على كمبيوتر رحلات يتوسط طابلوه السيارة
• العدادات الداخلية تنير بالنور الابيض و يتخللها اللونين الاحمر و الازرق
• المرايات الجانبية تحتوي على اشارات مضيئة
• التحكم الكامل في الابواب بدون مفتاح Key LESS Entry
• مفتاح Start Engine 
• فتح الشنطة من الخارج و الداخل بدون مفتاح 
• اسبويلر خلفي مضيء به لمبة توقف
• باركينج سينسور مدمج
• تحكم في مستوى الاضائة

Read More